Голландиянинг Херенвен шаҳрида бўлиб ўтган конькида югуриш бўйича жаҳон чемпионатининг 1500 метр масофага ўтказилган мусобақада россиялик спортчи Денис Юсков ғалаба қозонди ва олтин медаль билан тақдирланди. Лекин у шоҳсупага чиққан вақтда Россиянинг эски мадҳияси (“Патриотическая песня”) қўйиб юборилди.

Тақдирлаш маросими ўтаётган залда бўлиб турган ва Россиянинг ҳозирги мадҳияси ўрнига эски гимн садоларинии эшитган Россия конкичилар уюшмаси Алексей Кравцов бу вазият бўйича дарҳол ташкилотчиларга мурожаат қилган.

Натижада, хатони тўғрилаш учун совриндорлар иккинчи маротаба шоҳсупага чақирилишган.

“Мен эски мадҳиямизни эшитиб, ўзимни йўқотиб қўйдим. Аммо, бироз ўтиб, хато тўғрилангач, ҳаммаси яхшиланди”, – дейди бу вазиятга муносабат билдирган Денис Юсков “Р-Спорт” нашрига берган интервьюсида.

Маълумот учун, Юсков бу сафарги иштирокида муз устида “Тиалф” услуби ҳаракатлари орқали жаҳон рекордини ҳам ўрнатишга муваффақ бўлган.