Марс Қўчқоров бошчилигидаги Ўзбекистон терма жамоаси аъзолари жорий йилнинг 24-28 февраль кунлари Болгариянинг София шаҳрида ўтказиладиган “Странжа” халқаро турнирида иштирок этадилар.
66 маротаба ташкил этилаётган мазкур мусобақада 33 давлатдан 300 нафар чарм қўлқоп усталари (эркаклар – аёллар) ғолиблик учун баҳс юритадилар.
Мазкур халқаро турнирда Муборак Камолова (-48 кг), Ёдгорой Мирзаева (-60 кг), Шаҳноза Низомова (-75 кг) хотин-қизлар мусобақасида, Абдулла Қўчқоров (-49 кг), Шаҳобиддин Зоиров (-52 кг), Муроджон Ахмадалиев (-56 кг), Элнур Абдураимов (-60 кг), Фазлиддин Ғоипназаров (-64 кг), Исроил Мадримов (-69 кг), Элшод Расулов (-81 кг), Рустам Тўлаганов (-91 кг) ва Баҳодир Жалолов (+91 кг) эркаклар ўртасидаги мусобақада Ватанимиз шарафини ҳимоя қиладилар.
