Яқин ўтмишнинг энг сермаҳсул ҳужумчилардан бири бўлган Рауль Гонсалес «Нью-Йорк Космос» сафида илк бор майдонга тушди. Учрашув Жанубий Корея терма жамоасига қарши кечган ва ўртоқлик мақомида бўлган.
Жамоалар Гонконгда 1948 йилдан бери ўтказиб келинадиган мусобақада ўзаро куч синашган. Бу учрашувнинг асосий вақти 2:2 ҳисобида дуранг билан якунлангач, пенальтилар серияси ўтказилган. Рауль учрашувда тўлиқ 90 дақиқа иштирок этган ва пеналтилар сериясида ўз зарбасини аниқ амалга оширган.
Маълумот учун, Рауль «Нью-Йорк Космос» билан саккиз ой давомида музокара олиб боргач, ниҳоят шартнома имзолашга рози бўлган эди. Шартнома икки йил муддатга тузилган.
Рауль «Нью-Йорк Космос» сафида ҳам “Реал”да бўлгани сингари еттинчи рақам остида ўйнайди.
У бунгача, “Реал”дан ташқари, “Шальке” ва “Ал-Саад” сафида ўйнаган, мадридликлар учун 323 марта гол урган эди.
