Даниялик мураббийи Микаэль Лаудруп Япония терма жамоасидан тушган таклифга рад жавобини берди.
Ушбу мутахассис ҳозирда Қатарнинг "Лахвия" жамоасини бошқармоқда ва у май ойида клубни тарк этади. Унгача эса клубдан кетмоқчи эмас. Японияликлар эса зудлик билан мураббий керак ва шунинг учун Лаудруп таклифни қабул қила олмади.
"Япония томонидан тушган таклифдан ҳайратга тушдим. Лекин менга ҳозир кўпроқ ўйинлар керак. Бу мен учун муҳим. Қатар чемпионати май ойида якунига етганидан сўнг келажагим борасида ўйлаб кўраман. Балки "Лахвия"да қоларман, балки бошқа жойга кетарман", - дейди Лаудруп.
Япония терма жамоаси март ойининг сўнгги кунларида Тунис ва Ўзбекистон терма жамоаларига қарши ўйинга тайёргарлик кўриш учун янги мураббийлар билан музокара олиб бормоқда.
