Москванинг “Динамо” жамоасида биринчи вице-президент бўлиб ишлайдиган Геннадий Соловьев жамоа УЕФА томонидан Бельгияда 19 февраль куни бўлиб ўтган “Андерлехт”га қарши ўйин вақтида россиялик мухлислар томонидан пиротехник воситалар қўлланилгани учун жаримага тортилганини маълум қилди.
“Умид қиламизки, бундан оғирроқ жазо тайинланмайди, жарима тўлаш билан қутиламиз”, – дейди Соловьев.
“Мухлисларнинг ҳам калласи бор, ақли бор. Бундан кейин бу ишни такрорлашмас. Улар ҳам вазиятни тушуниб туришибди. Ахир Россияда ҳам бунақа иш қилиш тақиқланган, Европада эса, бунга икки баробар жиддийроқ қарашади”, – дейди у.
Маълумот учун, “Динамо” ва “Андерлехт” жамоаларининг жавоб учрашуви 26 февраль куни, Москвадаги “Химки” ўйингоҳида бўлиб ўтади.
