"Челси"нинг бўлажак янги устози Лиам Росеньор аллақачон клуб раҳбариятига таркибни ким билан кучайтирмоқчи эканлигини маълум қилган. 41 ёшли мутахассис ҳали "Страсбург"ни тарк этгани йўқ, аммо унинг "Челси"га ўтиши яқин кунларда эълон қилиниши муқаррар. Indykaila News хабарига кўра, англиялик мутахассис "кўклар" боссларидан мавсум якунлангач эркин агентга айланадиган "Кристал Пэлас" марказий ҳимоячиси Марк Гехи билан шартнома имзолашни сўраган.

"Бургутлар"нинг 25 ёшли сардорини ўз томонига оғдириш осон бўлмайди, чунки унинг хизматларига бошқа маҳаллий ва хорижий грандлар ҳам қизиқиш билдирмоқда.

Лиам Росеньор "Челси"да 1 январь куни лавозимини тарк этган Энцо Маресканинг ўрнини эгаллайди.