"Ал-Ҳилол" клуби қанот ҳимоячиси Жоау Канселу "Барселона"дан таклиф кутмоқда.
31 ёшли футболчини Саудия Арабистони клуби билан ижара шартларини келишиб олган Миланнинг "Интер" клуби ўз сафига қўшиб олишга тайёр. Журналист Паскуале Гуарронинг ёзишича, португалиялик футболчи "Барселона"дан ваъда олган - айнан шу сабабли у ҳамон "нерадзуррилар" сафига ўтишни маъқулламаган. Футболчи Каталония грандидан аниқ таклиф кутмоқда.
Агар Жоау Канселунинг "Барса"га трансфери амалга ошмаса, "Интер" уни бажонидил ўз сафига қўшиб олади. Эслатиб ўтамиз, футболчи аввал ҳар икки клуб сафида тўп тепган.
"Манчестер Сити" собиқ юлдузининг Transfermarkt порталидаги нархи - 10 млн евро.
