"Ливерпуль"нинг юлдуз ҳимоячиси Виржил ван Дейк фаолиятини Испания чемпионатида давом эттирмоқчи эди. Marca нашри хабарига кўра, нидерландиялик футболчи Мадриднинг "Реал" клубига ўтишга қизиқиш билдирган.
Ван Дейкнинг агентлари "қаймоқранглилар" билан музокаралар олиб боришди, аммо мадридликлардан ижобий жавоб олишмади. Якунда "Реал" Дин Хёйсенни танлади, нидерландиялик эса инглиз гранди билан янги шартнома имзолади.
34 ёшли ҳимоячининг ливерпулликлар билан амалдаги меҳнат шартномаси 2027 йилнинг ёзида ўз ниҳоясига етади. Футболчининг трансфер нархи 18 миллион еврони ташкил этади. У "қизиллар" сафида 2018 йилнинг январидан буён тўп тепиб келмоқда.
