Грузия пойтахти Тбилиси шаҳрида шахмат бўйича ФИДЕ Гран-присининг учинчи босқичи давом этмоқда. Сайёрамизнинг энг кучли гроссмейстерлари иштирокида ўтаётган нуфузли мусобақада ҳамюртимиз 2004 йилги жаҳон чемпиони Рустам Қосимжонов ҳам муваффақиятли иштирок этмоқда.

Кеча ўтказилган 6-тур учрашувида ҳамюртимиз қора доналарда франциялик Максим Вашье-Лаграв билан муносабатларига ойдинлик киритиб олди ва якунда томонлар муроса кўчасини танлашди. Бу дурангдан сўнг Рустам Қосимжонов 3,5 очко билан турнир жадвалида қўшимча кўрсаткичларга кўра иккинчи ўринга кўтарилиб олди.

ФИДЕ Гран-приси
Тбилиси, Грузия
3-БОСҚИЧ. 6-ТУР НАТИЖАЛАРИ
Теймур Ражабов (Озарбайжон) – Александр Гришук (Россия) 1:0
Шахрияр Мамадияров (Озарбайжон) – Дмитрий Яковенко (Россия) 0,5:0,5
Аниш Гири (Голландия) – Баадур Жобава (Грузия) 0,5:0,5
Леньер Домингес (Куба) – Евгений Томашевский (Россия) 0,5:0,5
Петр Свидлер (Россия) – Дмитрий Андрейкин (Россия) 1:0
Максим Вашье-Лаграв (Франция) – РУСТАМ ҚОСИМЖОНОВ (Ўзбекистон) 0,5:0,5

6-турдан кейинги турнир жадвалидаги ҳолат: Томашевский – 4,5, ҚОСИМЖОНОВ, Ражабов, Домингес, Яковенко, Гири, – 3,5, Гришук – 3, Мамадияров, Свидлер, Вашье-Лаграв – 2,5, Жобава – 2, Андрейкин – 1,5.