17 февраль куни ОЧЛ саралаш босқичи доирасида бўлиб ўтган "Нафт Теҳрон" (Эрон) ва "Ал-Жаиш"(Қатар) жамоалари ўртасидаги ўйинни Равшан Эрматов бошқариб борди.
Теҳронликларнинг 1:0 ҳисобидаги ғалабаси билан якунланган ўйинда Эрматовга Абдуҳамидулло Расулов ва Жаҳонгир Саидов ёрдам беришди. Захира ҳаками вазифасини яна бир юртдошимиз Азиз Асимов бажарди. Ўйин давомида ўзбекистонлик ФИФА рефериси 3та сариқ карточка кўрсатди.
Равшан Эрматов ОЧЛ 2-туридан ўрин олган навбатдаги ўйинни бошқариш учун Кореяга йўл олади. 3 март куни бўлиб ўтадиган "F" гуруҳи вакиллари — "Сеонгнам" (Ж.Корея) ва "Гамба Осака" (Япония) ўртасидаги ўйин ўзбекистонлик ҳакамларга топширилган.
