Болгария пойтахти София шаҳрида давом этаётган бокс бўйича анъанавий “Странжа” халқаро турнирида бугун ҳал қилувчи финал баҳслари ўтказилади. 

Эътиборлиси, гарчи Ўзбекистон терма жамоасини ушбу нуфузли халқаро турнирга деярли иккинчи таркиб билан йўл олганлигига қарамай, бир йўла саккиз нафар спортчимиз финалга чиқди. Бу борада Озарбайжон, Украина, Болгария, Қозоғистон ва Исроил терма жамоасидан икки нафардан, Арманистон ва Англиядан бир нафардан спортчи финалга етиб келган, деб хабар беради Ўзбекистон Миллий Олимпия қўмитаси матбуот хизмати. 

Қуйида, ҳал қилувчи финал учрашувида рингга кўтариладиган жуфтликлар берилган: 

49 кг. Абдулла Қўчқоров (Ўзбекистон) – Давид Алавердиан (Исроил) 
52 кг. Шаҳобиддин Зоиров (Ўзбекистон) – Жек Батесон (Исроил) 
56 кг. Муроджон Аҳмадалиев (Ўзбекистон) – Жанбулат Тулегенули (Қозоғистон) 
64 кг. Фазлиддин Ғоипназаров (Ўзбекистон) – Лоренсо Сотемайор (Озарбайжон) 
69 кг. Семён Шамов (Болгария) – Ярослав Самофалов (Украина) 
75 кг. Бектемир Мелиқўзиев (Ўзбекистон) – Михаил Орелли (Исроил) 
81 кг. Элшод Расулов (Ўзбекистон) – Радослав Пантелеев (Болгария) 
91 кг. Рустам Тўлаганов (Ўзбекистон) – Геворг Манукян (Украина)
+91 кг. Баҳодир Жалолов (Ўзбекистон) – Камчибек Кункабаев (Қозоғистон) 

Эслатиб ўтамиз, 2014 йили бўлиб ўтган мазкур халқаро турнирда бор йўғи икки нафар ҳамюртларимиз совриндорлар сафидан ўрин эгаллаган. Жумладан, Камолжон Мелиев (-49 кг) олтин медалга сазовор бўлган бўлса, Баҳодир Жалолов (+91 кг) кумуш медаль билан тақдирланган.