Грузия пойтахти Тбилиси шаҳрида шахмат бўйича ФИДЕ Гран-присининг учинчи босқич баҳслари якунланди. Нуфузли мусобақада юртимиз шарафини ҳимоя қилган 17-жаҳон чемпиони Рустам Қосимжонов муваффақиятли дона сурди.

Ҳамюртимиз кеча ўтказилган сўнгги 11-турда қора доналарда россиялик Дмитрий Яковенко билан муносабатларига ойдинлик киритиб олди ва дуранг натижа қайд этди. Бу дуранг Қосимжоновга якунда 4-ўринни тақдим этди. Ҳамюртимиз 3-ўрин эгаси озарбайжонлик Теймур Ражабовдан ярим очко кам жамғарди.

Хабар берганимиздек, Тбилиси Гран-приси якунланишига икки тур қолган бир пайтда Евгений Томашевский муддатидан аввал ғолибликни қўлга киритганди. Россиялик гроссмейстер 11 имкониятдан 8 очко тўплади. Иккинчи ўрин яна бир рус шахматчиси, сўнгги турда айнан Рустам Қосимжонов билан дуранг ўйнаган Дмитрий Яковенкога насиб этди.

Тбилисидаги ғолиблик Евгений Томашевскийга 20 минг евро мукофот пули, 170 турнир очкоси ҳамда 30 рейтинг очкосини тақдим этди. Учта босқич якунларига кўра айнан Томашевский пешқадам бўлиб олди. Рустам Қосимжонов 16 гроссмейстер орасида 10-ўринга кўтарилди.

УЧ БОСҚИЧ ЯКУНИГА КЎРА УМУМИЙ ЖАДВАЛ:

ФИДЕ Гран-приси
Тбилиси, Грузия
3-БОСҚИЧ. 11-ТУР НАТИЖАЛАРИ
Евгений Томашевский (Россия) – Теймур Ражабов (Озарбайжон) – 0,5:0,5
Дмитрий Яковенко (Россия) – РУСТАМ ҚОСИМЖОНОВ (Ўзбекистон) – 0,5:0,5
Аниш Гири (Голландия) – Леньер Домингес (Куба) – 0,5:0,5
Шахрияр Мамедьяров (Озарбайжон) – Петр Свидлер (Россия) – 0,5:0,5
Александр Гришук (Россия) – Максим Вашье-Лаграв (Франция) – 0,5:0,5
Баадур Жобава (Грузия) – Дмитрий Андрейкин (Россия) – 0,5:0,5

Турнир жадвалидаги якуний ҳолат: Томашевский – 8, Яковенко – 6,5, Ражабов – 6, ҚОСИМЖОНОВ, Мамадияров, Гири, Домингес – 5,5, Жобава, Вашье-Лаграв, Гришук – 5, Свидлер – 4,5, Андрейкин – 4.