Икки йилдирки, Навоийнинг “Қизилқум” жамоаси янги мавсум арафасида ўртоқлик учрашуви уюштиришни одат қилган. Ўтган йили 8 март куни кончилар Қаршининг “Насаф” футболчилари билан куч синашганди. Бу анъана амалдаги йилда ҳам давом этади.

8 март куни “Қизилқум” жамоаси Ўзбекистон XXIV миллий чемпионати бошланиши олдидан охирги синов ўйинини ўтказади. Унда навоийликлар “Бухоро” вакиллари билан куч синашади. Учрашув Навоий вилояти Қизилтепа тумани марказидаги “Дўстлик” стадионида соат 11.00 да бошланади.

Эслатиб ўтамиз, 2014 йил 8 март куни мазкур стадионда ўтказилган “Қизилқум” — “Насаф” жамоалари баҳсида навоийликлар 3:2 ҳисобида ғалаба қозонган эди.