“Бунёдкор” – “Бухоро” учрашувидан кейин ташкил этилган матбуот анжуманида биринчи бўлиб бухороликлар устози иштирок этди.

- Аввало, бугунги ғалаба билан “Бунёдкор” жамоасини табриклайман. Учрашувни ёмон бошламаган эдик. Лекин оддий хатоларимиз гол қўйиб юборишимизга олиб келди. Осиё Чемпионлар лигасида иштирок этадиган клублар бундай хатоларни аяб ўтиришмайди. “Бунёдкор” мамлакатимизнинг етакчи жамоаси. Бу каби рақиблар билан ўйинларда камчиликларимиз яққол намоён бўлди. Бу борада ишлаймиз, хатоларни тўғрилашга ҳаракат қиламиз. Бош мураббий сифатидаги олий лигадаги дебютим мағлубият билан бошланди. Лекин ҳали ҳаммаси олдинда, деб умид қиламан. “Бухоро” футболини кўтариб, мухлисларни албатта хурсанд қиламиз, - дейди Александр Владимирович.