Европа чемпионлар лигасининг нимчорак финал жавоб ўйинида "ПСЖ" "Челси" билан дуранг (2:2) ўйнади ва чорак финалга чиқди. Ўйиннинг 31-дақиқасида парижликлар ҳужумчиси Златан Иброҳимович майдондан четлатилгани боис қолган дақиқаларда парижликлар бир киши кам бўлиб ўйнашга мажбур бўлишди. Ўйин 120 дақиқа давом этди.
Кўпчиликнинг фикрича, голландиялик ҳакам Бьорн Куйперс қизил карточкани ноҳақ кўрсатган. Аммо УЕФА мазкур қизил карточкани бекор қилмайди.
"Ҳакам ўйинда қабул қилган қарор якуний характерга эга. У Тартиб-интизом қўмитасида кўриб чиқилмайди", - дея УЕФА вакилининг сўзларидан иқтибос келтирмоқда Sky Sports.
