Huquqiy jihatdan "Real"ga tegishli bo‘lgan, hozirda «Ayntraxt»da o‘ynayotgan markaziy himoyachi Xesus Valyexo mavsum so‘ngida Madridga qaytadi.

"As" nashri xabariga ko‘ra, «Real» germaniyaliklarning 19 yoshli futbolchining ijarasini uzaytirish borasidagi taklifiga rad javobini berdi. Bunga Pepening "Qirollik klubi"ni tark etishi mumkinligi sabab bo‘lmoqda.

«Real» Valyexoning o‘yinini kuzatish uchun o‘z skautlarini «Ayntraxt» o‘yinlariga yubormoqda. U haqida xulosalar ijobiy bo‘lmoqda. U o‘zi o‘ynagan 18ta bahsdan 16tasida asosiy tarkibda maydonga tushgan.

«Ayntraxt» bosh murabbiyi Niko Kovach Valyexoga yuqori baho berdi: «Men bunday o‘yinchini hech qachon ko‘rmaganman. U endi 19 yoshda, ammo xuddi 30 yoshli futbolchidek o‘yinni o‘qiy oladi».

Valyexoning o‘yini «Ayntraxt» rahbariyatiga ma’qul kelgani tufayli, jamoa himoyachining ijarasini yana 2 yilga uzaytirish borasida «Real»ga taklif yubordi. Ammo madridliklar bu taklifga rad javobini berishdi.

"Real" 2015 yilda futbolchini 6 million evroga sotib olib, u bilan 6 yillik shartnoma imzolagandi. Avvalroq Valyexo «Saragosa»ga ijaraga berilgandi.