"Liverpul" bosh murabbiyi Yurgen Klopp APLning 18-turida "Stok Siti" ustidan qozonilgan g‘alabadan so‘ng fukrlari bilan o‘rtoqlashdi.

"O‘yin juda qiyin kechdi. Hisob o‘yin xarakterini ifoda qilmaydi, ammo qiyn bo‘ldi chunki biz "Stok" bilan uning safida Krauch borligida uchinchi yo to‘rtinchi marta uchrashganmiz.

Himoyalanish qiyin bo‘ldi. To‘pni yaxshiroq nazorat qilishimiz mumkin edi, ammo to‘p bizdaligida sabrsizlik qildik, uzoq masofaga to‘p oshirish qiyin. Menimcha, "Stok" Krauchni 45 yoshida ham o‘ynatsa kerak.

Biz chiroyli gol urdik, keyin yana bitta. Kuchaydik va o‘yinni nazorat qila boshladik. "Stok" avvalgi tezlikda o‘ynay olmasligi ma’lum bo‘lib qoldi, o‘yin surati ularga o‘ta yuqorilik qildi. Ammo biz to‘p bilanyaxshi muomala qildik va g‘alabaga munosib bo‘ldik", - deydi Klopp.