"Liverpul" yarimhimoyachisi Jordan Xenderson APLning 18-turida "Stok Siti" ustidan qozonilgan g‘alabaga sharh berdi (4:1).
"Birinchi daqiqalardanoq raqib pressing uyushtira boshladi, boshida bizga qiyin bo‘ldi. "Stok" hisobni ochdi, ammo tanaffusga yaqin biz moslasha oldik. Ha, o‘yinning boshi yaxshi chiqmadi, ammo javob to‘pidan so‘ng "Liverpul" ustunlikni qo‘lga oldi.
Chempionlikka boshqa davogarlarning ishlari qanday ketayotgani qiziq emas. Biz o‘zimizga kerakli narsaga e’tibor qaratganmiz. Bugugi o‘yin katta sinov bo‘ldi, har bir g‘alaba - bu yaxshi natija. Endi navbatdagi o‘yin haqida o‘ylashimiz kerak", - deydi Xenderson.
