"Midlsbro" bosh murabbiyi Aytor Karanka APLning 19-turida "Manchester Yunatyed"dan uchralgan mag‘lubiyat (1:2) haqida fikr bildirdi.
"Mug‘lub bo‘lish og‘ir, ammo bio‘ bu o‘yindan kerakli xulosa chiqarib olishimiz kerak. Biz "Old Trafford"ga keldik va 1:0 hisobida oldinda edik. Bunday vaziyatlarda har bir jamoa bizni mag‘lub etish uchun o‘zining eng yaxshi o‘yinini ko‘rsatadi.
Hech bo‘lmasa bir ochkoga umid qilgandim. Biz juda yaxshi o‘ynadik, bundan ortig‘ini bajara olmasdik. Istalgan raqibga qarshilik qila olishimizni ko‘rsata oldik. Yigitlarga diqqatli bo‘lishni aytdim, bizda yaxshi jamoa bor.
Bu Mourino ikkimiz uchun qiyin vaziyat, chunki o‘rtamizda ajoyib do‘stlik bor. Har ikkimiz ham g‘alaba qozonishni istagan edik.
Umid qilamanki, ular APLda g‘olib bo‘ladilar, biz esa ligada qolamiz", - deydi Karanka.
