"Barselona" bosh murabbiyi Luis Enrike Ispaniya kubogining 1/8 finalida "Atletik"dan uchralgan mag‘lubiyatdan so‘ng (1:2) fikrlari bilan o‘rtoqlashdi.

"O‘yin boshida "Atletik"ning pressingi bizni bo‘g‘ib qo‘ydi. Ular bizning xatolarimizdan unumli foydalanishdi va o‘yinni nazorat qila boshladilar.

Biz ularning ikkinchi bo‘limda charchab qolishlarini bilar edik, ammo bizning omadimiz kelmadi.

Messining goli biz uchun juda muhim, ammo "Atletik" yuqori safida o‘ynay olishini bilamiz. Bizni uydagi javob uchrashuvi kutib turibdi, g‘alaba qozonishga umid qilamiz", - deydi Enrike.