"Sampdoriya"prezidenti Massimo Ferrero Italiya A serisining 17-turida "Napoli"dan uchralgan mag‘lubiyat (1:2) sabablarini hakamlardan izladi.
Neapolliklar g‘alaba to‘pini 95- daqiqada kiritdilar. 61-daqiqadan boshlab Mattias Silvestre maydondan chetlatilganidan so‘ng "Sampdoriya" bir kishi kam bo‘lib qoldilar,
"Hakamlar "Napoli" uchun bu o‘yinni yutib berdilar. Biz o‘z o‘yinimizni o‘ynadik, buni yaxshi uddaladik. Ammo Silvestrening qizil kartochkasi o‘yinni "o‘ldirdi". Hakam javobgarlikni o‘z bo‘yniga olishi kerak. Silvestre Reynaga hatto tegib ketmagan edi. Bundan tashqari Di Bello o‘yinga besh daqiqa qo‘shib berdi va "Napoli" gol urdi. Hammasi hal qilinganini avvalroq aytishganida, biz uyda qolardik.
Bundan tashqari hakamlar 8ta offsaydni belgilamadilar. Balki, qanot hakamining bayroq tutgan qo‘li sinib qolgandir. U umuman bayrog‘ini ko‘tarmadi.Videotakrorlarni tezroq joriy qilinishiga ishonaman. Hamma ham adashadi, ammo nima uchun doim bizga qarshi adashadilar. Bu o‘yin - haqiqiy sharmandalik", - deydi Ferrero.
