"Сампдория"президенти Массимо Ферреро Италия А серисининг 17-турида "Наполи"дан учралган мағлубият (1:2) сабабларини ҳакамлардан излади.
Неаполликлар ғалаба тўпини 95- дақиқада киритдилар. 61-дақиқадан бошлаб Маттиас Сильвестре майдондан четлатилганидан сўнг "Сампдория" бир киши кам бўлиб қолдилар,
"Ҳакамлар "Наполи" учун бу ўйинни ютиб бердилар. Биз ўз ўйинимизни ўйнадик, буни яхши уддаладик. Аммо Сильвестренинг қизил карточкаси ўйинни "ўлдирди". Ҳакам жавобгарликни ўз бўйнига олиши керак. Сильвестре Рейнага ҳатто тегиб кетмаган эди. Бундан ташқари Ди Белло ўйинга беш дақиқа қўшиб берди ва "Наполи" гол урди. Ҳаммаси ҳал қилинганини аввалроқ айтишганида, биз уйда қолардик.
Бундан ташқари ҳакамлар 8та оффсайдни белгиламадилар. Балки, қанот ҳакамининг байроқ тутган қўли синиб қолгандир. У умуман байроғини кўтармади.Видеотакрорларни тезроқ жорий қилинишига ишонаман. Ҳамма ҳам адашади, аммо нима учун доим бизга қарши адашадилар. Бу ўйин - ҳақиқий шармандалик", - дейди Ферреро.
