Vermland okrug sudi Shvesiya terma jamoasining jismoniy tayyorgarlik bo‘yicha sobiq murabbiyi Ulf Karlssonni mamlakat terma jamoasi hujumchisi Zlatan Ibrohimovichga tuhmat qilganlikda aybdor deb topdi.
Karlsson "MYU" hujumchisiga 60 EKIH miqdorida jarima to‘laydigan bo‘ldi (24 ming shved kronasi - 2,65 ming dollar).
"Aytilgan so‘z Ibrohimovichning doping iste’mol qilganini to‘g‘ridan-to‘g‘ri tasdiqlanmasada, sud bu so‘zlarning ma’lum kontekstida futbolchi "Yuventus"da doping iste’mol qilgan degan ma’no topdi", - deyiladi sud qarorida.
O‘tgan yilning aprel oyida Karlsson 35 yoshli futbolchi "Yuventus"da o‘ynagan chog‘ida doping iste’mol qilgani haqida gapirgan edi. Uning fikriga ko‘ra, Ibrohimovich olti oy davomida o‘zining mushaklari og‘irligini 10 kilogrammga oshirgan, bu esa taqiqlangan vositalarsiz amalga oshirib bo‘lmaydigan ish. Keyinroq murabbiy futbolchidan kechirim so‘ragan edi.
