Вэрмланд округ суди Швеция терма жамоасининг жисмоний тайёргарлик бўйича собиқ мураббийи Ульф Карлссонни мамлакат терма жамоаси ҳужумчиси Златан Иброҳимовичга туҳмат қилганликда айбдор деб топди.
Карлссон "МЮ" ҳужумчисига 60 ЭКИҲ миқдорида жарима тўлайдиган бўлди (24 минг швед кронаси - 2,65 минг доллар).
"Айтилган сўз Иброҳимовичнинг допинг истеъмол қилганини тўғридан-тўғри тасдиқланмасада, суд бу сўзларнинг маълум контекстида футболчи "Ювентус"да допинг истеъмол қилган деган маъно топди", - дейилади суд қарорида.
Ўтган йилнинг апрель ойида Карлссон 35 ёшли футболчи "Ювентус"да ўйнаган чоғида допинг истеъмол қилгани ҳақида гапирган эди. Унинг фикрига кўра, Иброҳимович олти ой давомида ўзининг мушаклари оғирлигини 10 килограммга оширган, бу эса тақиқланган воситаларсиз амалга ошириб бўлмайдиган иш. Кейинроқ мураббий футболчидан кечирим сўраган эди.
