«Liverpul» bosh murabbiyi Yurgen Klopp yarimhimoyachi Filippe Koutinyoning sog‘lig‘i haqida ma’lumot berdi.
Futbolchi 29 noyabr kuni «Sanderlend» (2:0) klubiga qarshi o‘yinda jarohat olganidan buyon maydonga tushmagan edi.
«Fil maydonga qaytishga tayyor. Ammo gap daqiqalar haqida ketyapti. U 6-7 hafta maydonga tushmadi, bu ko‘p. Ammo hali «Sautgempton»ga qarshi o‘yinda maydonga tushirish haqida bir qarorga kelmadim. Bugun u uchinchi to‘liq mashg‘ulotini o‘tkazdi, ertaga to‘rtinchisini o‘tkazadi» - dedi Klopp.
11 yanvar kuni «Liverpul» Angliya ligasi kubogi yarimfinalida «Sautgempton» bilan o‘ynaydi.
