«Ливерпуль» бош мураббийи Юрген Клопп яримҳимоячи Филиппе Коутиньонинг соғлиғи ҳақида маълумот берди.

Футболчи 29 ноябрь куни «Сандерленд» (2:0) клубига қарши ўйинда жароҳат олганидан буён майдонга тушмаган эди.

«Фил майдонга қайтишга тайёр. Аммо гап дақиқалар ҳақида кетяпти. У 6-7 ҳафта майдонга тушмади, бу кўп. Аммо ҳали «Саутгемптон»га қарши ўйинда майдонга тушириш ҳақида бир қарорга келмадим. Бугун у учинчи тўлиқ машғулотини ўтказди, эртага тўртинчисини ўтказади» - деди Клопп.

11 январь куни «Ливерпуль» Англия лигаси кубоги яримфиналида «Саутгемптон» билан ўйнайди.