Osiyo futbol konfederasiyasi prezidenti shayx Salmon bin Ibrohim Al-Xalifa JCH-2026 musobaqasida Osiyo qit’asiga ajratiladigan o‘rinlar sonining oshirilishini talab qildi.
Ayni paytda OFKga 4,5 o‘rin ajratilgan bo‘lib, tashkilot rahbari buni juda kam deb hisoblamoqda.
«Osiyo – dunyoning eng katta qit’asidir. Shuning uchun ham ayni paytda ko‘zda tutilgan kvotadan ko‘proq o‘ringa munosib» - dedi shayx Salmon ESPN xabarida.
Eslatib o‘tamiz, yaqinda FIFA JCH-2026 ishtirokchilari sonini 48taga etkazish haqida qaror qabul qilgan edi. Hozircha yo‘llanmalar taqsimoti qanday bo‘lishi belgilanib olinmagan.
