Осиё футбол конфедерацияси президенти шайх Салмон бин Иброҳим Ал-Халифа ЖЧ-2026 мусобақасида Осиё қитъасига ажратиладиган ўринлар сонининг оширилишини талаб қилди.
Айни пайтда ОФКга 4,5 ўрин ажратилган бўлиб, ташкилот раҳбари буни жуда кам деб ҳисобламоқда.
«Осиё – дунёнинг энг катта қитъасидир. Шунинг учун ҳам айни пайтда кўзда тутилган квотадан кўпроқ ўринга муносиб» - деди шайх Салмон ESPN хабарида.
Эслатиб ўтамиз, яқинда ФИФА ЖЧ-2026 иштирокчилари сонини 48тага етказиш ҳақида қарор қабул қилган эди. Ҳозирча йўлланмалар тақсимоти қандай бўлиши белгиланиб олинмаган.
