"Real" bosh murabbiyi Zinedin Zidan Ispaniya kubogi 1/8 finalining javob uchrashuvida "Sevilya" bilan uchrashuvdan so‘ng (3:3, birinchi o‘yin - 3:0) fikrlari bilan o‘rtoqlashdi.

"Ramosni haqorat qilishganidan noroziman. Unga bularni eshitish yoqmaydi, albatt. Axir u "Sevilya"da o‘ynagan.U o‘sha yerda tug‘ilgan va Sevilya haqida doim yaxshi gaplarni gapirgan. Golni nishonlay turib, Serxio hech qanday ortiqcha harakat qilmadi.

O‘yin qiyin bo‘ldi. "Sevilya" ajoyib o‘yin ko‘rsatdi va g‘alabaga loyiq edi. Biz nimalardadir oqsadik, ammo durangga erish oldik va chorak finalga munosib bo‘ldik.

Raqib bizga ko‘p qiyinchiliklar tug‘dirdi va yakshanba kuni shu muxlislari oldida yana qiyinchiliklar tug‘diradi. Hozircha boshlang‘ich tarkib borasida bir narsa deya olmayman, ammo bizga yana qiyin bo‘lishi aniq, shuning uchun yaxshi tayyorlanishimiz kerak", - deydi Zidan.

Eslatib o‘tamiz, yakshanba kuni ushbu jamoalar Ispaniya chempionatining 18-turi doirasida yana Sevilyada uchrashadilar.