"Реал" бош мураббийи Зинедин Зидан Испания кубоги 1/8 финалининг жавоб учрашувида "Севилья" билан учрашувдан сўнг (3:3, биринчи ўйин - 3:0) фикрлари билан ўртоқлашди.
"Рамосни ҳақорат қилишганидан норозиман. Унга буларни эшитиш ёқмайди, албатт. Ахир у "Севилья"да ўйнаган.У ўша ерда туғилган ва Севилья ҳақида доим яхши гапларни гапирган. Голни нишонлай туриб, Серхио ҳеч қандай ортиқча ҳаракат қилмади.
Ўйин қийин бўлди. "Севилья" ажойиб ўйин кўрсатди ва ғалабага лойиқ эди. Биз нималардадир оқсадик, аммо дурангга эриш олдик ва чорак финалга муносиб бўлдик.
Рақиб бизга кўп қийинчиликлар туғдирди ва якшанба куни шу мухлислари олдида яна қийинчиликлар туғдиради. Ҳозирча бошланғич таркиб борасида бир нарса дея олмайман, аммо бизга яна қийин бўлиши аниқ, шунинг учун яхши тайёрланишимиз керак", - дейди Зидан.
Эслатиб ўтамиз, якшанба куни ушбу жамоалар Испания чемпионатининг 18-тури доирасида яна Севильяда учрашадилар.
