«Barselona» klubi direktori Pere Gratakos ishdan bo‘shatildi, deb xabar bermoqda klub rasmiy sayti.
Mulozim avvalroq Messi haqida noo‘rin gapirib qo‘ygani uchun shunday jazoga tortildi.
«Barselona» - bu faqat Messi emas. U muhim futbolchi, ammo g‘alabani jamoa qo‘lga kiritadi. Neymar, Suares, Inyesta, Pike va boshqa futbolchilarsiz Messi bunchalik yaxshi o‘ynamagan bo‘lardi» - degan edi Gratakos.
Kataloniya klubining sayti mulozimning iste’foga chiqarilish sababini ko‘rsatib: «Gratakos o‘z shaxsiy fikrini omma oldida aytdi, ammo uning fikri klub manfaatlariga mos kelmaydi» - deb yozdi.
