Toshkentning “Bunyodkor” jamoasi BAA yig‘ini doirasidagi to‘rtinchi nazorat uchrashuvini o‘tkazdi.

Jamoamning bu safargi raqibi Saudiya Arabistoni Pro-ligasi vakili “Al-Faysaliy” klubi bo‘ldi. Nazorat uchrashuvi bo‘lganligi uchun Sergey Lushchan dastlabki daqiqalardan aralash tarkibni maydonga tushirdi. Shuningdek, zaxirada qoldirilgan barcha futbolchilarga imkon berildi.

Qiziqarli kechgan bahsda kuchlar teng keldi. Birinchi bo‘lim o‘rtalarida saudiyaliklar hisobda oldinga o‘tib olishgan bo‘lsa, asosiy vaqtning so‘nggi daqiqalarida Eldor Shomurodov uzatmasini Javohir Esonqulov gol bilan yakunlab, yakuniy natija 1:1 bo‘lishini ta’minladi.

“AL-FAYSALIY” (Saudiya Arabistoni) – “BUNYODKOR” (O‘zbekiston) 1:1 (1:0)
Gollar: 27 (1:0), Javohir Esonqulov 89 (1:1)
“Bunyodkor”: Murodjon Zuhurov, Dilshodbek Ahmadaliyev, Akramjon Komilov, Nurillo To‘xtasinov, Otabek Shukurov, Dushan Michich, Aleksandr Ignatovich, Dostonbek Hamdamov, Eldor Shomurodov, Shahzodbek Nurmatov, Jovlon Ibrohimov
Zaxiradan maydonga tushganlar: Dilshod Hamroyev, Rustamjon Ashurmatov, Javohir Esonqulov, Xurshid G‘iyosov, Javohir Qahramonov, Islomjon Qobilov, Mirjahon Mirahmadov, Vadim Chemirtan, Mirjamol Qosimov, Shoxruh Gadoyev, Nodirxon Kamolov, Sardorbek Azimov, Javlon Mirabdullayev

"Bunyodkor"ning navbatdagi nazorat uchrashuvi 15 yanvar kuni Shotlandiyaning "Aberdin" klubiga qarshi kechadi.