«Real» bosh murabbiyi Zayniddin Zidan Ispaniya kubogidan o‘rin olgan «Sevilya» (3:3) klubiga qarshi o‘yinda muxlislarning tahqiriga uchragan Serxio Ramosni qo‘llab-quvvatladi.
«Avvalo Ramos sardorimiz va jamoadagi futbolchilar uchun o‘rnak bo‘la oladigan insondir. U Ispaniya futboli timsollaridan biridir. «Sevilya»ga qarshi o‘yindagi mojaro ortda qoldi. Futbolchilar haqoratlarga qanday munosabatda bo‘lishadi? Afsuski, futbolda tribunalardan futbolchilar sha’niga haqoratlar yog‘ilib turadi. Biroq biz stadionga tashrif buyurgan 100 ming muxlisning fikrini o‘zgartira olmaymiz» - dedi Zidan.
Eslatib o‘tamiz, Ramos 2004-2005 yillarda «Sevilya» tarkibida o‘ynagan edi.
