«Реал» бош мураббийи Зайниддин Зидан Испания кубогидан ўрин олган «Севилья» (3:3) клубига қарши ўйинда мухлисларнинг таҳқирига учраган Серхио Рамосни қўллаб-қувватлади.

«Аввало Рамос сардоримиз ва жамоадаги футболчилар учун ўрнак бўла оладиган инсондир. У Испания футболи тимсолларидан биридир. «Севилья»га қарши ўйиндаги можаро ортда қолди. Футболчилар ҳақоратларга қандай муносабатда бўлишади? Афсуски, футболда трибуналардан футболчилар шаънига ҳақоратлар ёғилиб туради. Бироқ биз стадионга ташриф буюрган 100 минг мухлиснинг фикрини ўзгартира олмаймиз» - деди Зидан.

Эслатиб ўтамиз, Рамос 2004-2005 йилларда «Севилья» таркибида ўйнаган эди.