Xitoy chempionatida legionerlar miqdori cheklandi. Yangi qoidaga ko‘ra, bundan buyon maydonda ko‘pi bilan 3 nafar xorijlik futbolchi harakat qilishi mumkin.
O‘yinning qaydnomasiga 18 futbolchi kiritiladi, ulardan 5 nafari xorijlik bo‘lishi mumkin. Bundan tashqari qaydnomaga 23 yoshgacha bo‘lgan 2 nafar futbolchi kiritilishi, ulardan biri esa asosiy tarkibda maydonga tushirilishi shart.
O‘tgan mavsumda Xitoy chempionatida quyidagi cheklovlar mavjud bo‘lgan. O‘yin qaydnomasiga osiyolik 1 nafar legioner va boshqa qit’adan 4 nafar legioner kiritilgan. Maydonda bir vaqtning o‘zida osiyolik legioner bilan birga 3 nafar xorijlik futbolchi o‘ynashi mumkin bo‘lgan.
Xitoy chempionatida yangi mavsum 4 mart kuni start oladi.
