Germaniyaning 2016 yildagi eng yaxshi futbolchisi deb topilgan mamlakat terma jamoasi hamda "Arsenal" klubi yarimhimoyachisi Mesut O‘zil hissiyotlari bilan o‘rtoqlashdi.
"Bu sovrinni qo‘lga kiritganimdan xursandman. APLning o‘tgan mavsumida jarohatlardan qochib yurgan edim. Hozir London jamoasida o‘zimni qulay his qilyapman. 2016 yilda o‘z hayotimda ba’zi bir narsalarni o‘zgartirdim. Masalan, parhez va mashg‘ulotlarni. Bu menga jarohat olish xavfini kamaytirishga yordam berdi va men o‘yinlardan so‘ng tezroq tiklanyapman.
Bu sovrin aslida menga muhim emas. Ammo minglab muxlislar menga ovoz berish uchun ro‘yxatdan o‘tgan ekanlar, bu men faxrga to‘ldiryapti. Ovoz berganlaga rahmat. Bu sovrinni kelgusi yil ham saqlab qolamanmi, ko‘ramiz. Ammo osonlikcha taslim bo‘lmayman", - deydi O‘zil.
