"Barselona"ning sobiq futbolchisi Xavi jamoa hujumchisi Lionel Messining shartnomasi bilan bog‘liq vaziyat haqida gapirar ekan, odatiga ko‘ra uning dunyoda eng zo‘r o‘yinchi ekanini ta’kidlashni unutmadi.
"Messining "Barselona" bilan yangi shartnoma imzolashiga shubha qilmayman.
U xo‘jayinlari millarder bo‘lgan boshqa klublarda yanada ko‘proq pul ishlashi mumkin edi ammo uning yuragi "Barselona" bilanligiga ishonaman.
Bu munosabat uzoq yillardan buyon davom etib kelyapti. Messi bilan bog‘liq mish-mishlar matbuotda tez tarqaydi. U dunyoning eng yaxshi o‘yinchisi, odamlar u haqida yozishni istaydilar.
Ba’zida bu yangiliklarda bir tomchi ham haqiqat bo‘lmaydi, hozir ham shunday", - deydi Xavi.
