«Manchester Yunayted» hujumchisi Zlatan Ibrohimovich «qizil iblislar»ning APLdagi o‘rni va raqiblari haqida fikr bildirdi.

«Tasavvur qilib ko‘ring, mavsum boshida «MYU» ko‘p ochko yo‘qotmaganida, biz hozir musobaqa jadvalining qayerida bo‘lardik? Orada katta farq bor. Endi har bitta xato uchun javob beramiz.

Kuchli beshlikdan ancha orqada qolib ketgandik, lekin ayni paytda yana natijalarimizni yaxshilayapmiz. Biz 2-o‘rindagi jamoadan 5 ochko ortda qolyapmiz, «Chelsi»dan esa 12ta.

«Manchester Yunayted» avvalgi holiga qaytdi, endi raqiblarning xato qilishini umid bilan kutamiz. O‘ylaymanki, ular ham biz kabi qayerdadir ochko yo‘qotishadi. Jamoamizning esa o‘ziga bo‘lgan ishonchi yanada ortib boraveradi» - dedi Zlatan.