«Манчестер Юнайтед» ҳужумчиси Златан Иброҳимович «қизил иблислар»нинг АПЛдаги ўрни ва рақиблари ҳақида фикр билдирди.
«Тасаввур қилиб кўринг, мавсум бошида «МЮ» кўп очко йўқотмаганида, биз ҳозир мусобақа жадвалининг қаерида бўлардик? Орада катта фарқ бор. Энди ҳар битта хато учун жавоб берамиз.
Кучли бешликдан анча орқада қолиб кетгандик, лекин айни пайтда яна натижаларимизни яхшилаяпмиз. Биз 2-ўриндаги жамоадан 5 очко ортда қоляпмиз, «Челси»дан эса 12та.
«Манчестер Юнайтед» аввалги ҳолига қайтди, энди рақибларнинг хато қилишини умид билан кутамиз. Ўйлайманки, улар ҳам биз каби қаердадир очко йўқотишади. Жамоамизнинг эса ўзига бўлган ишончи янада ортиб бораверади» - деди Златан.
