"Barselona" sardori Andres Inyesta haqida nimalarni bilasiz? Biz sizning hukmingizga futbolchi haiqdagi 15 ta faktni havola etamiz.
1. Andres Inyesta 1984 yilning 11 may kuni tavallud topgan.
2. 2000-2003 yillar davomida "Barselona B" jamoasi safida 54 ta o‘yinda 5 ta gol kiritgan.
3. "Barcelona"ning asosiy jamoasida 2003 yildan buyon Inyesta 609 o‘yinda maydonga tushib o‘z hisobiga 55 ta gol yozdirib qo‘yishga muvaffaq bo‘lgan.
4. Andres Ispaniya milliy terma jamoasi libosida 2006 yilda debyut qilgan. Shundan buyon yarim himoyachi terma uchun 111 ta bellashuvda 12 ta gol urishga muvaffaq bo‘lgan.
5. Futbolchi termadagi debyut golini 2007 yili "Old Trafford" stadionida Angliya bilan bo‘lgan uchrashuvda kiritgan. Ana shu bellashuvda ispanlar minimal 1:0 hisobidagi g‘alabani tantana qilishgan.
6. 2003 yili yoshlar o‘rtasidagi jahon chempionatida Ispaniya va O‘zbekiston termalari o‘rtasidagi bellashuvda ispanlarga g‘alaba keltiruvchi yagona golga ham aynan Inesta mualliflik qilgan edi. O‘sha turnirda Andres 3 ta to‘p kiritgan.
7. Inyesta "Barcelona" bilan birgalikda Ispaniya chempionatida 8 marta, Ispaniya kubogida 4 bora, Ispaniya superkubogida 7 marta, Chempionlar ligasida 4 bora, Yevropa superkubogi va klublar o‘rtasidagi jahon chempionatlarida 3 martadan zafar quchgan. Umumiy hisobda u 29 ta jamoaviy yutuqlarga erishdi.
8. Andres Ispaniya milliy terma jamoasi safida ikki marta Yevropa chempioni va bir bora jahon chempioni bo‘ldi. 17 va 19 yoshli futbolchilar o‘rtasida Yevropa chempionatida zafar quchib, Konfederasiyalar kubogida vise-chempionga aylandi.
