Farg‘onaning “Neftchi” jamoasi 21 yanvar kuni Toshkent yig‘ini doirasidagi yana bir o‘yinda ishtirok etdi.
Bu safar farg‘onaliklarga Jizzaxning “So‘g‘diyona” jamoasi raqiblik qildi. Ayni paytda jamoa bosh murabbiyi Andrey Fyodorov Moskva safarida bo‘lgani tufayli jamoani katta murabbiy Murod Ismoilov maydonga boshlab tushdi.
Jizzax klubiga qarshi bellashuvda Baxtiyor Yoqubov, Ibrohim No‘’monov, Sherzod Hakimov, Dilyor Irmatov hamda Mo‘ydin Mamazulumovlar biroz betob bo‘lganliklari uchun ishtirok etishmadi. Sardor Rahmonov esa shaxsiy ishlari sabab bir necha kunga jamoadan ruxsat olgan. O‘yin qiziqarli kurashlarga boy bo‘ldi va bahsda farg‘onaliklar 4:1 natijasiga ko‘ra muvaffaqiyatga erishishdi. Bellashuvda Said Abdujabborov dubl qayd etgan bo‘lsa Abdurahmon Abdulhaqov hamda Abbos Maxstaliyevlar bittadan gol kiritishga erishishdi. Izattillo Abdullayev ushbu gollarga bir marta javob berdi.
“Neftchi” o‘yinda quyida tarkibda o‘ynadi:
“Neftchi”: Abdumavlon Abdujalilov, Hamza Karimov, Muhsin Ubaydullayev, Husniddin G‘ofurov, Furqat Hasanboyev, Javohir Rasulov, Umid Qodirov, Muzaffar Muzaffarov, Saidjon Abdujabborov, Nikita Pavlenko, Rizo Ayvazov
Zahira: O‘tkir Yusupov, Sardor Qulmatov, Abbos Maxstaliyev, Abdurahmon Abdulhaqov, Abdujamol Isroilov, Damir Nizanov
