Dunyoning birinchi raketkasi – britaniyalik 29 yoshli Endi Marrey Australian Open turnirining nimchorak finalida jahon reytingida 50-o‘rinda borayotgan germaniyalik tengdoshi Misha Zverevga qarshi bahs olib borib, kutilmaganda 5:7, 7:5, 2:6, 4:6 hisobida imkoniyatni boy berdi. Bu haqda musobaqa rasmiy saytida ma’lum qilindi.
Mazkur hodisa o‘zbekistonlik Denis Istominning ikkinchi davrada jahon reytingida 2-pog‘onada borayotgan serbiyalik Novak Jokovichni turnirdan chiqarib yuborganidan keyingi katta sensasiya bo‘ldi.
Bunga qadar Marrey va Zverev ATP tasnifidagi turnirlarda atigi bir marta – 2015 yili Myunxendagi musobaqada to‘qnash kelgan. O‘shanda britaniyalik tennischi 6:2, 6:2 hisobida zafar quchgandi.
Ma’lumot uchun, yaqindagina ser unvoniga ega bo‘lgan Endi Marrey «Katta dubulg‘a» turkumidagi turnirlarda 10 marta finalga chiqib, shularning 3 tasida — US Open (2013) va «Uimbldon»da (2013 va 2016) g‘alaba qozongan.
