Дунёнинг биринчи ракеткаси – британиялик 29 ёшли Энди Маррей Australian Open турнирининг нимчорак финалида жаҳон рейтингида 50-ўринда бораётган германиялик тенгдоши Миша Зверевга қарши баҳс олиб бориб, кутилмаганда 5:7, 7:5, 2:6, 4:6 ҳисобида имкониятни бой берди. Бу ҳақда мусобақа расмий сайтида маълум қилинди.
Мазкур ҳодиса ўзбекистонлик Денис Истоминнинг иккинчи даврада жаҳон рейтингида 2-поғонада бораётган сербиялик Новак Жоковични турнирдан чиқариб юборганидан кейинги катта сенсация бўлди.
Бунга қадар Маррей ва Зверев ATP таснифидаги турнирларда атиги бир марта – 2015 йили Мюнхендаги мусобақада тўқнаш келган. Ўшанда британиялик теннисчи 6:2, 6:2 ҳисобида зафар қучганди.
Маълумот учун, яқиндагина сер унвонига эга бўлган Энди Маррей «Катта дубулға» туркумидаги турнирларда 10 марта финалга чиқиб, шуларнинг 3 тасида — US Open (2013) ва «Уимблдон»да (2013 ва 2016) ғалаба қозонган.
