«Chelsi» futbolchilari Gari Kehill va Jon Terri, shuningdek murabbiylar shtabi vakili Stiv Holland «Hall Siti» himoyachisi Rayan Meysonni ko‘rish uchun shifoxonaga borishdi.
Meyson «Chelsi» - «Hall Siti» o‘yinida Kehill bilan to‘qnashib ketib, og‘ir jarohat olgan edi. Tibbiy ko‘rik natijasida uning bosh suyagi singani aniqlangandi.
«Chelsi» vakillari futbolchi va uning oilasi bilan vaqt o‘tkazib, uning ko‘nglini ko‘tarishdi. Ayni paytda u jarrohlik amaliyotini o‘tab, shifoxonada nazorat ostida yotibdi.
