«Челси» футболчилари Гари Кэҳилл ва Жон Терри, шунингдек мураббийлар штаби вакили Стив Ҳолланд «Ҳалл Сити» ҳимоячиси Райан Мэйсонни кўриш учун шифохонага боришди.
Мэйсон «Челси» - «Ҳалл Сити» ўйинида Кэҳилл билан тўқнашиб кетиб, оғир жароҳат олган эди. Тиббий кўрик натижасида унинг бош суяги сингани аниқланганди.
«Челси» вакиллари футболчи ва унинг оиласи билан вақт ўтказиб, унинг кўнглини кўтаришди. Айни пайтда у жарроҳлик амалиётини ўтаб, шифохонада назорат остида ётибди.