«Barselona» klubi Lionel Messi uchun yangi shartnoma loyihasini tayyorlab qo‘ydi.
Ispaniyaning Sport nashri xabariga ko‘ra, klub rahbariyati yaqin kunlarda hujumchiga 5 yillik shartnoma va qat’iy belgilangan maoshni taklif qiladi. Avvalroq, «Barselona» prezidenti Xosep Mariya Bartomeu Messini dunyoning eng ko‘p maosh oluvchi futbolchisiga aylantirmoqchi ekani haqida gapirgan edi.
Yangi shartnomada Messini Ispaniya soliq idorasi bilan yuzaga kelishi mumkin bo‘lgan muammolarga olib keluvchi band bo‘lmaydi. Klub uning diqqat-e’tiborini faqat futbolga qaratishini istamoqda.
Ayni paytda shartnoma Bartomeuning qo‘ldi turibdi va u Messi bilan shaxsan muzokara o‘tkazmoqchi.
29 yoshli futbolchining «Barselona» bilan tuzgan shartnomasi 2018 yil yozida o‘z nihoyasiga yetadi.