Barselonada chop etiluvchi Mundo Deportivo gazetasi La Liganing birinchi davrasidagi "Real" va "Barselona" ishtirokidagi o‘yinlarni tahlil qilgan. Yakuniy xulosaga ko‘ra, hakamlar xatosi "Real"ga 8 ochko ko‘proq jamg‘arishga, "Barselona"ga esa, aksincha, 4 turnir ballini yo‘qotishga zamin yaratgan.
Misol sifatida nashr "Real" va "Selta" o‘rtasida o‘tgan uchrashuv (2:1) ga e’tibor qaratgan. Unda gollardan biri Alvaro Morata tomonidan toza oysayd holatida urilgan. Xuddi shunday e’tiroz "Malaga"ga qarshi o‘yin (2:1)da Ramosning goliga nisbatan qo‘llanilgan. Shuningdek, hakamlar xatosi "Espanyol" (2:0) va "Deportivo" (3:2) o‘yinlarida ham qayd etilgan.
"Barselona" ishtirokidagi o‘yinlarda hakamlar xatosi 8 marta qayd etilgan bo‘lib, ularning uchtasida amaldagi chempion ochko yo‘qotgan: "Selta"ga qarshi o‘yin (3:4)da Neymarga nisbatan ishlatilgan qo‘pollik uchun penalti belgilanmagan, "Malaga"ga qarshi o‘yin (0:0) da ofsayd noto‘g‘ri belgilanishi oqibatida Pikening goli inobatga olinmagan va "Vilyarreal" ga qarshi o‘yin (1:1) da jarima maydoni ichida raqib ikki bor qo‘li bilan o‘ynagani uchun penaltilar belgilanmagan.
Biroq, nashr shuni ham ta’kidlaydiki, "Real Sosyedad"ga qarshi o‘yinda "Barselona" darvozasiga urilgan toza gol kataloniyaliklarga qo‘shimcha bir ochko ishlab topishga imkon bergan.
La Liganing 19 turi o‘tib bo‘lgach, "Real" "Valensiya"ga qarshi zaxira o‘yiniga ega bo‘la turib, "Barselona"dan ikki ochko oldinda bormoqda.
