«Real» Shvesiyaning AIK klubi hujumchisi Aleksander Isak bilan shartnoma imzolashga yaqin edi.
Biroq futbolchi so‘nggi pallada o‘z fikrini o‘zgartirib, Dortmundning «Borussiya» klubiga o‘tishni ma’qul topdi.
AS xabariga ko‘ra, AIK sport direktori Byorn Veststryom bu haqda shunday dedi: «Biz «Real» bilan muzokara o‘tkazdik. Ko‘p narsalarni kelishib olgandik. Biroq «Borussiya» futbolchiga ma’qul keladigan taklifni berdi».
Katta ehtimol bilan, «qovog‘ari»lar asosiy tarkibda ko‘proq maydonga tushirish kafolatini berganidan so‘ng Isak o‘z fikrini o‘zgartirgan.
Eslatib o‘tamiz, vatanida «yangi Ibrohimovich» laqabini olgan Isak «Borussiya» bilan 2019 yilgacha mo‘ljallangan shartnoma imzoladi.
