WBC, IBF, WBO bo‘yicha sobiq jahon chempioni, bokschi Oskar de la Xoyya AQSHning Kaliforniya shtati, Pasadena shahrida hibsga olindi. Bu haqda “Tvzvezda.ru” nashri xabar qilmoqda.
Ma’lumotlarga ko‘ra, 43 yoshli sobiq bokschi toksik moddasi mavjud dori vositasini iste’mol qilib, ya’ni mast holda avtomobil boshqargani sababli polisiya tomonidan qo‘lga olingan. Uning aynan qaysi giyohvand moddani qabul qilgani hozircha noma’lum.
Biroq Oskar de la Xoyya avval ham psixotrop dori vositalarini haddan tashqari ko‘p qabul qilgani uchun reabilitasiya markazida davolangandi.
Ayni damda polisiya sportchining qancha muddat ushlab turilishi, unga qanday jazo qo‘llanilishi borasida hech qanday ma’lumot yo‘q.
Eslatib o‘tamiz, Oskar de la Xoyya boks olamidagi faoliyati davomida 45 ta jangni o‘tkazgan. Ulardan 39 tasini g‘alaba bilan yakunlagan. Sport olamidan ketgach, u promouterlik bilan shug‘ullangan.
