Lastround.ru sayti Floyd Meyvezerning promouterlik kompaniyasidagi bokschilar haqida hikoya qildi.
Floyd Meyvezerning promouterlik kompaniyasi saytida rasman 26 bokschi sanalgan, ulardan biri ayol bokschidir. Bokschilarning o‘rtacha yoshiga nazar solinsa, Meyvezer asosoan yoshlarga va uncha taniqli bo‘lmagan jangchilarga tayanmoqda.
Bir necha hafta oldin kompaniyaning eng katta umidi Jervont Devis jahon chempionligini qo‘lga kiritdi. Mayweather Promotions'ning o‘zbekistonlik jangchisi bilan tanishing.
Sanjarbek Rahmonov
Yoshi: 27 da
Rekord: 6-0-1 (3 KO)
Nimasi bilan qiziq: Meyvezerning promoushenidagi MDH mamlakatlarining yagona vakili.
Osiyo chempioni va Osiyo o‘yinlari bronza medali sohibi Sanjarbek Rahmonov Floyd Meyvezer bilan 2015 yilning iyunida shartnoma imzolagan. Shu oyning o‘zida Sanjarbek bosh jangi Edrien Broner va Shon Porter to‘qnashuvi bo‘lgan boks kechasida debyut qildi.
Sanjarbekning ikkinchi jangi shaxsan Meyvezerning xayrlashuv kechasida bo‘ldi. Sanjarbek professional faoliyatining o‘ta qiyin boshlaangani haqida gapirgan. Rahmonov birinchi boks sparringidan so‘ng faoliyatini yakunlash haqida o‘ylagan. Ammo hammasi ortda qoldi. O‘zbekistonlik bokschi o‘zining sakkizinchi jangini 24 fevral kuni o‘tkazadi.
